حل رهيب لجميع مشاكل موقع الرابيد شير اللى قارف الكل ده ( ارجو التثبيت للافادة )

[nader_at2002]

طبعا عارفين ان كلنا بنعانى مشاكل كتيرة جدااااااااااعلى موقع الرابيد شير المشهور اللى يعتبر تقريبا اشهر موقع لرفع الملفات ومن اشهر هذه المشاكل مشكلة مسح الملفات من على الموقع بعد تجاوزها مدة معينة
والملفات بيتم مسحها لأنها بتكون تجاوزت مدة معينة وأى حد ييجى يحمل الملف بعد ما يتمسح بتظهر الرسالة الشهيرة :

! file not found

بس بفضل الله تعالى اكتشفت حاجة فى موقع الرابيد شير ز ى ما تقول كدة عرض عامله الرابيد شير علشان يستفيد ويفيد والعرض دا اسمه free collecters zone

وده عبارة عن ان الموقع بيديك مساحة خاصة ترفع فيها ملفاتك براحتك وتتحكم فيها زى ما انت عاوز وبالتالى مش هتتمسح الا ما انت تعوز تمسحها

وفى كمان مفاجأة جامدة جدا جدا هقولهالكم فى أخر الموضوع

استعنا على الشقا بالله

نبتدى شرح بقى وبالصور كمان

1- ادخل على الصفحة الرئيسية للرابيد شير وهى RapidShare: 1-Click Webhosting

ارفع اى ملف عندك من على الجهاز انشالله حتى يكون مساحته 1 كيلو بايت وكل ما يكون الملف مساحته صغيرة كل ما هيريحك انت فى التحميل

زى ما واضح امام حضراتكم فى الصورة





2- انتظر لحد ما رفع الملف يتم







3- جينا للمهم بقى : بعد ما ترفع الملف هيظهرلك الصورة دى واللى هى هيعرض عليك انك تشترك فى العرض اللى انا قلت عليه عن طريق انك تكتب اسم تختاره انت بس لازم تحفظه لان هو ده اللى انت هتدخل بيه بعد كدة وتكتب ايميلك وباسوورد





4- بعد ما تدخل سيادتك وتشترك هيدخلك على حسابك على طول


وزى ما حضراتكم شفتوا كدة بالنسبة لموضوع النقاط اللى انت بتجمعها دى عن طريق ان اى حد ينزل الملف اللى انت رافعه على حسابك بس الموقع حاطط شروط لكدة
انك هينضاف ليك نقطة واحدة كل ما حد يحمل الملف مرة بس بشرط ان الملف ده يزيد مساحته عن 1 ميجا وما يكونش الشخص اللى حمل ده اتسبب فى انه يضيف لك خمس نقاط فى اقل من ساعة

وبالنسبة لموضوع الملفات اظن كل حاجة واضحة تقدر تتحكم فى ملفاتك زى ما انت عاوز غصب عن ابو الرابيد شير وبالتالى عمرها ما هتتمسح حتى لو المدة عدت

اى ملف انت ترفعه بيتسجل فى قائمة الملفات اللى انت شفتها دى وعلشان تاخد اللينك بتاع الملف كل اللى عليك انك تضغط على الملف واللينك هيظهرلك يعنى لا فى لف ولا دوران

وبالنسبة بقى لموضوع المفاجاة اللى قلت عليها

انك كل ما تجمع نقط كتير جدا هيبقى فى ايدك انك تاخد الاشتراك البريميم على الرابد شير

يعنى البريمو يعنى واللى مميزاته رهيبة جدا ومنها :
1- ان السرعة هتقى جبارة جدا وانت بتحمل اى ملف اى حد رافعه على الموقع يعنى الجهاز هيبقى بيطير والملف بينزل
2- هيديك سيرفرات زيادة لو السيرفر مشغول
3-مش هتضطر تستنى الدقيقة دى قبل ما تحمل الملف اللى انت هتحمله هيظهرلك فى ساعتها
4- عمر ما اى ملف هيتمسح من عندك
5-دا غير انه هيديك سرعة رهيبة للابلود
وغير المزايا الكتيييييييييييييييييييييييييييير للاشتراك البريمو ده

وبكدة اظن ما حدش له حجة بقى فى موقع الرابيد شير اللى عامل قلق للكل ده

وفى حاجة نسيت أقولها بس أخ عزيز ليا فى المنتدى فكرنى بيها :

انك لازم تدخل على الحساب بتاعك قبل ما ترفع أى ملف وتدخل ترفع الملف من داخل الحساب مش من على الصفحة الرئيسية والا كأنك ما عملتش حاجة

وبكدة ابقى انا انتهيت من الشرح واتمنى انى اكون اقدرت اوصل لحضراتكم اللى انا عاوز اقوله وانا اسف جدا اذا كنت طولت على حضراتكم


ارجو من المشرف تثبيت الموضوع ده علشان الكل يستفيد منه وعلشان التعب اللى انا تعبته ما يروحش على الفاضى


ويا ريت بقى لو الموضوع عجبكم تورينى ردودكم الحلوة علشان ترفعوا معنوياتى كدة


وبالنسبة للناس اللى الصور مش ظاهرة عندهم أو اى حد عاوز يسجل الصور على الجهاز ادخل وحمل الشرح بالصور من هنا

[farag23]

ألف 1000 ألف شكر

[tmnaji]

جزاك الله خير على هذا الشرح اللطيف
و أرجو أن يتم تثبيت الموضوع

[ورد الياسمين]

مشكوووووووووووووووووووووووووور

[محمود فؤاد خليل]

جزاك الله خير على هذا الشرح اللطيف
و أرجو أن يتم تثبيت الموضوع

[sherifsalim]

تسلم إيدك يانادر على الفكرة المدهشة دى... ومنتحرمش من مشاركاتك ياباشا وجارى التجربة

[سعد العراقي]

الف الف شكر لك على الشرح .