|
|
|
| |
|
|
|
بوابة الجياش برامج كاملة - دليل المواقع - دروس مفيدة - العاب - ماسنجر - تردد القنوات - ثيمات جوال - ترجمة مواقع - مسجات - صور
| |||||||
| المنتدى الترفيهي منتدى ترفيهي يهتم بالترفيه بشتى مجالاته |
 |
| | أدوات الموضوع | طريقة العرض |
05-06-2007, 06:46 م
| #1 |
| عضو محترف   تاريخ التسجيل: Apr 2007 البلد: مصر
المشاركات: 1,281
   |  يا ستى حرام عليكى عايز اذاكر بسم الله الرحمن الرحيم ياستى حرااام عليكى عايز أذاكر -الله أكبر الله أكبر..أذان الظهر.. - يارب.. يارب بحق ده الآدان تنجح يا نون يابن ابنى وأشوفك دكتور أد الدنيا ياستى بس أنا فى تجارة  -وماله يابنى هو يكتر على ربنا...... ده ربنا قادر على كل شئ -ياستى ونعم بالله بس اللى بيطلع دكتور لازم يكون فى كلية الطب مش التجارة - ياللا تجارة تجارة ..ومالها التجارة ..دى حتى التجارة شطارة..ده الله يرحمه جدك كان تاجر فى الوكالة أد الدنيا -ياستى التجارة اللى فى الوكالة حاجة واللى فى الكلية حاجة تانية -ع العموم شد حيلك أنته وانا أخلى جدك يخدك معاه الوكاله عشان تتدردح وتتودك فى السوق  -جدى إيه اللى هايخدنى معاه .....ده جدى مات من زمان ياستى -يامصيبتى عبد الواحد مات..ياحبيبى ياأخويا..مكنش يومك ياسبعى  -ياستى ده ميت من تلتين سنة -تلتين سنه..ده العمر بيجرى ياولاد تصدق ولا حسيت بيهم....ياللا أهو غار فى داهيه....قطع وقطعت سيرته..ده كان بخل الدنيا فيه..أن ما عمره دخل عليه ببطيخة ولاكيس جوافة  -ياستى حرااام عليكى عايز أذاكر بقى -يوه..وأنا ماسكاك ياوله..ذاكر ...ذاكرعشان ربنا يكرمك وتنجح وتاخد الدبلون -ياستى دبلون إيه..أسمه البكالوريوس  -أنته عتضحك عليه ياوله..أسمه الدبلون الواد ابن فايزة جدع زيك كده فى مدرسة التجارة وخد الدبلون  -خلاص دبلوم دبلوم ياستى ..سيبينى بقى عشان أذاكر -طب ذاكر....ذاكر جتك نيله وأنته طالع براوى كده زى أمك....قطعت وقطعت سيرتها...أنامش عارفه أبوك كان أجوزها على إيه..حكم...قال لبس البوصة تبقى عروسة..بس واللى نبى النبى نبى لكون مبوظه الخطوبة دى ومجوزاه أنيسة بت أختى -ياستى خطوبة إيه..أبويا مجوز أمى من خمسة وعشرين سنة ..وبعدين أنيسة دى بنت أخوك مش بنت أختك ..وأساسا إنتى ملكيش إخوات بنات  -صحيح ياوله ..أنته عندك حق أنا مليش إخوات بنات..أصلى أناأمى ماكنتش بتخلف صبيان -حراااااااااااااااااااااااااااااااااام ............ستى ماتطلعى البلكونة شويه ...ده الهوا حلو -لأياخويا....فى جدع كده حليوه وشعره مسبسب فى البلكونه اللى فى الوش بيقعد يعاكسنى  -خلاص روحى المطبخ ...أهو زمان أمى خلصت الرز -رز...رزإيه يابنى....هوأنا ليه سنان للرز...أناهطلع البلكونه أحسن -طب أبقى خلى بالك م الهوى ياستى -هوى لما يلطشك الحمد لله أخيرا خرجت وقدرت أذاكر .. رحت الأمتحان تانى يوم وربنا كرمني وحليت كويس لكن للأسف المراقب سحب مني الورقة قبل ما أكتب أهم حاجة فيها ياترى أنا كان إسمى إيه؟؟ ياترى كان إسمى إيه؟؟ |
|
|
05-06-2007, 06:51 م
| #2 |
| عريف  تاريخ التسجيل: May 2007 البلد: KSA
المشاركات: 486
|  مشكووووووووووور
__________________  شجون |
|
|
|
05-06-2007, 07:00 م
| #3 |
| عضو محترف تاريخ التسجيل: May 2007 البلد: اى حته
المشاركات: 1,215
| ههههههههههههههههههههههه هههههههههههههههههههههههه ههههههههههههههههههههههههههههه ههههههههههههههههههههههههههههههههههه ههههههههههههههههههههههههههههههههههههههههه ههههههههههههههههههههههههههههههههههههههههههههههه من هنا لبكرة الصبح انت جامد وكل مواضيعك جامدة
__________________  شكرا لكم جميعا وفى انتظار المذيد والمذيد  |
|
|
|
05-06-2007, 07:00 م
| #4 |
| عضو محترف تاريخ التسجيل: Apr 2007 البلد: مصر
المشاركات: 1,281
| شكرا ً على المرور |
|
|
|
05-06-2007, 07:01 م
| #5 |
| عضو محترف تاريخ التسجيل: Apr 2007 البلد: مصر
المشاركات: 1,281
| الله يخليك يا acc_loues انا والله كنت مستنيك |
|
|
|
05-06-2007, 07:10 م
| #6 |
| عضو محترف تاريخ التسجيل: May 2007 البلد: اى حته
المشاركات: 1,215
| صادق بدون حلفان انا عارف ان قعدة الرجالة ماتتعوضش |
|
|
|
05-06-2007, 08:48 م
| #7 |
| عضو محترف تاريخ التسجيل: Apr 2007 البلد: مصر
المشاركات: 1,281
| ماشى يا مان انت عامل ايه كده وايه اخبارك ؟؟؟ |
|
|
|
05-06-2007, 09:42 م
| #8 |
| عضو محترف  تاريخ التسجيل: Dec 2006 البلد: EGYPT
المشاركات: 1,711
| هههههههههههههههههههههههه حلوة اوي يا كونان تبقي طمنا لما تطلع النتيجة وسلملنا علي ستك |
|
|
|
06-06-2007, 12:04 ص
| #9 |
| عضو محترف تاريخ التسجيل: Apr 2007 البلد: مصر
المشاركات: 1,281
| هى الحمد لله كويشه وبتشلم عليكى وعماله تقول هى فين بشنت |
|
|
|
06-06-2007, 12:46 ص
| #10 |
| عضو محترف تاريخ التسجيل: May 2007 البلد: اى حته
المشاركات: 1,215
| وقول لشتك ان بشنت ماطلعطش اهل للثقة |
|
|
|
| أدوات الموضوع | |
| طريقة العرض | |
|
|
فيديو - ترجمة النصوص -
العاب فلاش
دليل المواقع العربية
أداب وعلوم انسانية - فنون كمبيوتر
و أنترنت ملابس
و موضة -
منزل وحدائق - مراجع - حكومات ومنظمات - رياضـة - مواقع اسلامية إسلامية
- أدلة و محركات بحث
- استضافة و تصميم و برمجة المواقع - منتديات و نقاش
- علوم - صحة وسلامة - أخبار و وسائل إعلام - أطعمة وشراب
- اتصالات - - إقتصاد وأعمال - تسلية وترفيه - تعليم
النمط المتتابع
