حوار بين اتنين ستات فاضيين

[bassant]

دول اتنين ستات مش وراهم غير سيره فلان وعلان تعالوا شوفو بيتكلموا فى ايه



ام جميل : مين البنت دى الي ماشية..

ام رافت : دى بنت ام رزق.. بنت مؤدبة بس بيقولوا عنها مصاحبة ابن ام عز.....

ام جميل : ابن ام عز مصاحب بنت ام رزق؟ عز !!!

ام رافت : يييي وانتى مش دارية.. مش بيحبوا بعض بقالهم 5 سنين..

ام جميل : اه وسمعت ان ام رزق مش عاوزه ابن ام عز..

ام رافت : والله مانا عارفة يختي .. هى ام رزق هتلاقى احسن من ابن ام عز...

ام جميل : ييي ييي اسكتي وماتخلينيش احكي.. خلي الناس بحالهم..

ام رافت : فيه ايه؟.. احكي يا ام جميل..

ام جميل : مهو ابنها لايف على واحده تانيه بنت ام ثروت...

ام رافت : يي يي يي وامه عارفه بالموضوع؟

ام جميل : امه بالمستشفى .. جالها جلطه من تخاريفه...

ام رافت : والله يختي يا ام جميل , بنت ام ثروت دى مشيها مش ولا بد...

ام جميل : عارفه عارفه يا ام رافت... مش عارفه ليه بيخلفوا ويرموا...

ام رافت : يا لطيف ومين دى الي ماشية بالشارع؟

ام جميل : يسعد يومها دى بنت ام محمود ..

ام رافت : الامانة لله بنت مؤدبة ومحترمة بس دمها تقيل..

ام جميل : دمها تقيل... اتارى.. وبقول مالها ام حسن ما وافقتش ان ابنها حسن يخطبها.....

ام رافت : قطع حسن وسيرته دا فاضي ومش لاقي حد يؤدبه..

ام جميل : ليه يا ام رافت مالو اللى يتقصف عمره....

ام رافت : ده داير ورا بنتي بقالوا سنتين واحنا مش موافقين عليه..

ام جميل : اوعي اوعى... بنتك بتستاهل تقلها ذهب..

ام رافت : وانتى هتقوليلى عن بنتي يا ام جميل..

ام جميل : والله يختي يا ام رافت ... بنتي انا اتقدملها فى شهرين 45 عريس.. اشي دكتور واشي جراح واشي طبيب جراح لجورج وسوف.. واشي مهندس.. بس البنت لسه صغيرة لسه ماعدتش ال 28 ........

ام رافت : ييي ييي ييي ما تقوليليش عن بنتك.. بنتك ملاك بنتك يا ريت تبقى اى واحده زى اخلاقها.. بنت تقلها ذهب وماس ( وبينها وبين نفسها بتقول تقلها بصل مقشر)...

علشان تبقوا عارفين بس ان الستات مش فاضيين الا للكلام وبس

[NONA_LOVE]

دول الستات اللى بيقعدوا على المصاطب

صح ولا ايه؟؟

بس على العموم شكرا يا بسبوسه على التوبيك

[M E T R E L Y O S]

ههههههههههههههههههههههههههههههه


سمعت انا الحوار دا ختى فى اخره ام جميل قالت لأم رأفت

يالا بلاش نجيب فى سيره الناس

دع الخلق للخالق

صح؟؟؟؟؟؟؟؟؟

هههههههههههههههههههههههههههههههههههههههههههههههههه هههه

[دلع فلسطين]

ههههههههههههههههههههههههه
مشكوره

[ghost girl]

هههههههههههههههههههههههههههههه

نسوان اخر زمن

[shadowhopa]

هههههههههههههههههههههههههه
مشكورررررررررررررررررررة