بقالي فتره بحاول اجمع الموضوع ده في دماغي عشان ادخل اكتبه خاصه اني من عشاق نبيل فاروق لكن لكل شئ حد >> والسيل قد بلغ الزبا وقد اتت اللحظه التي قولت فيها لقد طفح الكيل مني واتت اللحظه كي اعلن انني ارفض تلك الفكره التي يصر عليها نبيل فاروق بلا اكتراث ولا تدقيق نعود الي هذه الفكره وهي :-
السفر عبر الزمن
الفكره من اساسها مرفوضه من عدة نواحي تعالوا الاول نشوف من الناحيه الادبيه
الاول شخص يسافر الي الماضي حيث يقوم بمهمه ارسل لاجلها؟؟ ياسلام؟؟
لما المهمه هو راجعلها عشان ينفذها يبقي المفروض في المستقبل تكون تمت ويكون اساسا الشخص اللي راح ينفذها عرف احدثها مسبقا ويمكن كمان قبل ان يولد يكون احداث المهمه دي مكتوبه عندهم في المستقبل انها تمت وبادق التفاصيل فلزمته ايه يرجع الماضي بمعني ادق اللي يدخل النقطه دي يحس انه بيدور في دائرة مفرغه بين الماضي والحاضر لا بدايه لها ولا نهايه
واحد هيقول يااخي هو عرف بعد لما خلص المهمه
هقوله ازاي عرف بعد لما خلصها وده ماضي وماكانش يعرف قبل لما ينفذها وده مستقبل ؟؟؟؟
لحظه وحده مش دي نقطة الخلاف ...>>
في نقاط كتير يعني مثلا البطل راح عشان ينقذ مش عارف ايه عبر الزمن فالمهمه فشلت ومش لحق ينفذها تمام جميل >> طب لو كان الموضوع كده فالبطل في ايديه الزمن يعني بلفه بسيطه بالة الزمن هيرجع للنقطه اللي حصلت عندها الغلطه وهيعالجها وبكده يبقي اللي في ايديه الة الزمن المفروض انه مش يتهزم نهائي
(( نتخيل واحد حصل علي الة زمن ورجع لعصر قديم مثلا عصر ادم وقتل كل البشر -- ياتري ايه النتايج في نظر دكتور نبيل فاروق ؟؟ ))
بلاش كمان نقول بني ادم اللي عمل كده ممكن نقول كائن ما من حضاره تانيه وكوكب تاني اللي عمل كده عشان يقضي علي البشريه بدل لما ييجي في قصة ((س_18)) ويوصفلك ان الحضاره دي بعتت انسان الي عشان يفتح ثقب فضاء في الارض والمفروض ان مهامة الالي فشلت يعني المفروض اللي بعتوا الالي قبل لما يبعتوا كانوا يعرفوا انه فشل لان اكيد التاريخ دون الحكايه دي لكن نرجع ونقول لعبة الزمن مش بسيطه ولا ساذجه
من الناحيه العلميه--
انا بردك ارفض موضوع السفر عبر الزمن من الناحيه العلميه وبعتبره نوع من الخيال المبالغ فيه بصورة لاتعقل ناس هتقول لا عندك في نظريه نسبيه اعتبرت ان الزمن هو البعد الرابع
طب جميل مادام انتم بتقولوا ان الزمن بعد رابع زي الطول والعرض والارتفاع
طب ياريت حد يقدر يقول ليه الزمن ديما بيسير في اتجاه واحد وكمان ياريت لو هو عبقري وجميل ومخه شغال يحددلي النقطه اللي بدا عندها الزمن
ولو هو ناصح وحددها يقدر يقولي قبل لما يبتدي الزمن كان فيه ايه؟؟
وبعد لما ينتهي الزمن ((وده مستحيل )) هيكون فيه ايه ؟؟
ويسعدني اني احرر الموضوع اخيرا واقولها واضحه بلا تزييف
الزمن ليس له بدايه ولا نهايه
ان كان شخص سوف يعلن ان يوم القيامه هو نهاية الزمن هقوله للاسف كلامك غير صحيح
وخلي بالك يوم القيامه اسمه يوم ووصفه الله في كتابه العزيز بالساعه
بمعني ادق ان يوم القيامه ليس نهاية الزمن فكيف ياتي من يجرؤ ويعلن ان الزمن بعد نستطيع ان نمضي فيه
للاسف الفكره صاحبها تخيلها وخطها علي الورق لكن الي الان مش قدر يبرهن عليها
ولان الفكره تثير حتي خيال الاطفال راح عدد من العلماء والمفكرين يدرسها ليعلن شخص من ان لاخر انه مقتنع بها تماما وانها المعادله التي يمكن ان تتحقق
ولكن كيف؟؟
عنها يصمت هؤلاء او يكلموك عن الطاقة واشياء لاعلاقة لها بالموضوع
واللي معاه دليل علي صدق الموضوع ده يدخل هنا ويناقش
مرفوض مرفوض مرفوض
مرفوض دينياً
يقول رسول الله صلي الله عليه وسلم (( لاتسبوا الدهر فانه الله))
يقول الله تعالي (( وَعِندَهُ مَفَاتِحُ الْغَيْبِ لاَ يَعْلَمُهَا إِلاَّ هُوَ وَيَعْلَمُ مَا فِي الْبَرِّ وَالْبَحْرِ وَمَا تَسْقُطُ مِن وَرَقَةٍ إِلاَّ يَعْلَمُهَا وَلاَ حَبَّةٍ فِي ظُلُمَاتِ الأَرْضِ وَلاَ رَطْبٍ وَلاَ يَابِسٍ إِلاَّ فِي كِتَابٍ مُّبِينٍ ))
يقول الله تعالي (( قُل لَّا يَعْلَمُ مَن فِي السَّمَاوَاتِ وَالْأَرْضِ الْغَيْبَ إِلَّا اللَّهُ وَمَا يَشْعُرُونَ أَيَّانَ يُبْعَثُونَ))
يقول الله تعالي ((عَالِمُ الْغَيْبِ فَلَا يُظْهِرُ عَلَى غَيْبِهِ أَحَداً ))
للاسف الفكره مبنيه علي اساس مخالف لهذا كله
فمن يستطيع السفر عبر الزمن يستطيع ان يطلع علي الغيب وهو شئ اختص الله تعالي به نفسه
يعني مثلا انا لو حبيت اعرف ايه اللي ممكن يحصلي بعد 10سنين هركب كده الة الزمن وانطلق في المستقبل للامام 10سنين واشوف ايه اللي حصلي وارجع تاني وده مخالف لايات الله ولشرعه
فبرجاء ممن قراء الموضوع واقتنع بالمضمون ان يحاول نشره وحسبنا الله ونعم الوكيل
للاسف د نبيل فاروق خيالك مرفوض ادبياً وعلمياً ودينياً 
النمط المتتابع
