الف ليله و ليله ( بطوله اعضاء المنتدى ) (3)

[M E T R E L Y O S]

الليله الثالثه

المشهد الاول

تصوير خارجي
منظر ليليٍ

قهوة دوللي الثقافيه
حيثٌ تجمع الحرافيش
بسنت : هاي ياحرافيش شكلكم ميش في المود النهارده
جيرمانيا : اهلأ ياختي اٍنت شرفتي ماحدش شاف وشك من يومين..
بسنت : او سو سورى ياجماعه حفلات وكده خارج البلاد
ميرا في تعجب!!: حفلات اه طيب
جيرمانيا: عرفتي اللي حصل يابت يا بسنت
بسنت في لهفه: ايه حصل ايه ؟؟
جيرمانيا: ميش مترو يار هيتجوز بنت الوزير
بسنت بضحكه عاليه: يامصيبتي ديه ساقطه اٍعداديه يابنتي
يالة ارزاق ...
ميرا: وهوا طالبك تغني في الحفله يا بسنت
بسنت : ايه بتقولي ايه انا انا

المشهد الثاني

؛؛قصر الوزير..

ايمى

زاد جالسه امام الكمبيوتر...

امانى : بت يا ايمى انتي يابت
ايمى زاد بتنفوخ: اوف نعم ياماما نعم
امانى : يابنتي بتعملي ايه علي المخروب ده والله شكلي هكسرة علي دماغك
ايمى : ياماما بعمل شات مع اصحابي
امانى : بتشيطي ايه يا موكوسه اللهي يشيط شعرك
والنبي ديه عروسه فرحها بكرة..
ايمى زاد: ياماما خلاص بئه انا بتكسف..
امانى : اسمع ياسبع البرمبه بنتك بتكسف
كباشى : ياربي ارحمني هلاقيها من السلطان ولا من لسان العقربه ديه
امانى : بتقول ايه ياراجل
كباشى : لا ياستي ولا حاجه بقولك عزمتي الجيران وقريبنا علي الفرح
امانى : اه يا سي السيد ماهو كل حاجه علي دماغي.. والحرافيش كمااان ..
كباشى : الحرافيش يا ستي منتي عارفه السلطان بيكرهم.. ربنا يستر..

المشهد الثالث

،،قصر السلطان

تصويرليلي
حديقه كبيرة

ميرا: ها يا حرافيش جاهزين..
الحرافيش في صوات واحد: كله تماااااام يا كبيرة
بنوته حلوه : ايه بسنت حفظتى الاغنيه اللى كتبتهالك ...
بسنت: طبعا عيب عليكيٍ ده انا بسنت والاجر علي الله مع ان كل الاغانى اللى بتكتبيها هابطه و بيئه اوى
اهم حاجه الفرقه تكون جاهزة و امرنا لله
الفرقه الموسيقيه: جاهزين يا فنانه.
مترو يار بينادي علي كبير الحرس: انت ياض ايه ياعم الزحمه ديه وايه اللي جاب الحرافيش هنا
شوف لي الوزير.
كبير الحراس: حاضر ياجناب سعاده الباشا السلطان
كباشى يأتي مسرعا: اامر سعادتك .
مترو يار: فين الفرقه الموسيقيه..
كباشى: موجوده اهيه سعادتك..
مترو يار: وفين هيفاء يابني
كباشى: للأسف مسافرة خارج البلاد وانا جيبت لسعادتك بسنت و بنوته حلوه
مترو يار: مين ياخويا.. و دول مين دول كماااان
كباشى : لأ حاسب سعادتك دول اوعه وشك..
اوعى انت اما نشوف اخرتها مع الاشكال اللى انت جايبهالنا دى
تبداء الموسيقه وتقترب بسنت من الميك.
بسنت((بتحيى المعزومين وتعطي اٍشارة ببدء الأغنيه))
.....

القعده علي الكرسي حلوه بس الشعب بيقرص

..
شعب تاكله وشعب ياكلك
شعب تشله شعب يشلك
شعب تقرف منه
شعب يكفيك شره

ينفع فى شتا او صيف هو ايه...

السلطان السلطان السلطان السلطان

هو ايه

السلطان السلطان السلطان السلطان

قلبه ابيض وضميره سليم
لا بيغش ولا هو غشيم

كان فى الرعيه امير
كان علي البلد بيغير

كان عيشته حرير فى حرير
ده سجنه
بهدله
ظبطه
شرده
تعالي
تعالي
تعالي

ينفع فى شتا او صيف
هو ايه
السلطان
السلطان
السلطان

هو اللى مجوعنا .. هو
هو اللى مشردنا..هو
هو اللى معرينا ..هو
هو اللى. مروقنا..هو

هو هو هو هو

يلا يلا يلا
يلا يلا يلا
يلا نجددله يلا

يلا يلا يلا

كباشى : الله الله يابنوته ايه جمال الكلمات دى
مترو يار: يانهارك اسود هوا اللي موجوعنا هوا اللي معرينا ومشردنا مسرووووووووووور

كباشى : لا سيادتك ما تعصبش نفسك اهى حفله و هاتعدى يا سعاده جناب السلطان

وصفق الجميع
وانتهت الحفله..

المشهد الرابع

داخل القصر
(وتم الزفاف سريعا وفى اوضة النوم الملكيه....)
مترو يار:- انتى مالك فرحانه كده ليه؟ ده انتى هتموتى الصبح
ايمى زاد:- منا عارفه
مترو يار: - عارفه ومبسوطه كمان؟
ايمى زاد- اه
مترو يار:- هو الوزير مخلف عيله هابله ولا ايه بس !!
ايمى زاد:- يا عم ما كلنا هنموت
مترو يار:- اه بس انتى بكره
ايمى زاد:- وانت امتى يعنى يا فتك؟
مترو يار:- الله اعلم
ايمى زاد- مانت ممكن تموت قبلى
مترو يار:- بقولك ايه انا مصهلل النهارده ومش طالبه معايا نكد .....حد يقول لسلطان فى فرحه انت هتموت قبلى؟
ايمى زاد:- يعنى حد يقول لعروسه فى ليلة فرحها هتموتى بكره انت كمان؟
مترو يار:- عندك حق انا هنام بأه
ايمى زاد:- نعم يخويا؟ انت متجوزنى عشان تنام وتموتنى؟
مترو يار :- خلاص خدى الريموت عندك فيه فيلم اجنبى حلو فى ال MBC2 والاوربت فيها فيلم عربى جميل برده
ايمى زاد:- لا يا عم مش عاوزه تليفزيون
مترو يار:- امال عاوزه ايه بأه......احكيلك حدوته؟
ايمى زاد:- لا احكيلك انا يا يا سلطانتى.
مترو يار:- طب احكى يا ستى وصدعينى
ايمى زاد:- ولو عجبتك تسيبنى متموتنيش بكره؟
مترو يار:- لو معجبتنيش هموتك دلوقتى ولو عجبتنى هسيبك للصبح
ايمى زاد:- طب اسمع الاول وبعدين ابقى بق
مترو يار:- قولى يختى
ايمى زاد:- بص يا عم بيقولك مره واحد .......
مترو يار:- انتى هتحكى حدوته ولا نكته؟
ايمى زاد:- اهمد باه انت مش ليك حدوته؟ اسمع للاخر بأه
مترو يار:- ماشى قول يا عم على بابا...........اوعى تكون بتاعة على بابا؟
ايمى زاد:- لا دى قصة واحد فقرى
مترو يار:- اه كده لايقه عليكى قولى ما هى ليله باينه فقريه من اولها
ايمى زاد:- بص يا سيدى وما ستك الا انا
مترو يار:- خدى راحتك مانتى كده كده ميته بكره
ايمى زاد:- يا عم متفولش اياكش انت تسبق ......بص يا عم بيقولك مره واحد فقرى اوى كان ماشى الصبح ورايح يجيب فطار لاولاده حلو الكلام؟
مترو يار:- (بملل ) كملى كملى
ايمى زاد:- فهو بيعدى جسر كده وبيبقى معاه سلطانيه بيجيب فيها الفول بتاع الفطار المهم وقع من على الجسر ده فى قلب الميه....وقع فين؟
مترو يار:- اخلصى يا حجه بأه هو انتى بتحكى لعيل صغير؟
ايمى زاد:- ماشى يا عم العجوز.....المهم نزل تحت الميه ناس اخدوه تحت اوى كمان لقى بلد كامله ...
مترو يار:- (باهتمام بس مش عاوز يبين) كل ده تحت الميه؟
ايمى زاد:- اه واخدوه على الملك بتاعهم كمان اواااااااااااااااااااااااه (بتتاوب)
مترو يار:- كملى بسرعه بأه
ايمى زاد:- لا يا عم انا عاوزه انام
مترو يار:- يا بت كملى باه متزهقينيش
ايمى زاد:- ازهق
مترو يار:- هتخلينى اتعفرت
ايمى زاد:- على نفسك
مترو يار- يا مسرور
مسرور:- امرك يا باشا السلطان
مترو يار:- طير رقبتها
!!!!!!
ياتري حصل ايه...
ابقومعانا.....

ملطوش و معدل

BY

M E T R E L Y O S

[bassant]

ههههههههههههههههههههههههههه

جامد اوي اوي الجزء ده عشان انا فيه

بس ده انا مطربة هابطة اوي


هههههههههههههههههههههههههههههههه

شكرا يا مترويار

[M E T R E L Y O S]

العفو يا بسبوسه يا اصل الطرب الاصيل

ههههههههههههههههههههه

[yagooo]

لا حلوة الليلة دى يا مترو

بس قولى انت هتجبلنا ال الف ليله

ولا ايه النظام

[banota_helwa2]

ههههههههههههههههههههههههههههههه

هههههههههههههههههههههههه

ههههههههههههههههه

شوفت دانا ظبطلهم الحفله

يا سلام علي كلمات الاغاني بتاعتي

والله دا انا فنانه

دانت لسه حتسمع كتير

ده انا مؤلفه اغاني محترفه

ههههههههههههههههههههه

ميرسي عالموضوع التحفه

وميرسي كتييييييييير اوي انك خليت ليا دور في الموضوع

[M E T R E L Y O S]

ربنا يسهل و يقوم كنافه بالسلامه

ههههههههههههههههههه

فاهمانى انتى طبعا

هههههههههههههه

مشكوره عالرد ميرنا

[M E T R E L Y O S]

انتى اكبر مؤلفه اغانى

انا عارف

سمعت ان شعبان بيطلبك بالاسم

هههههههههههههههههههههه

ميرسى للرد بسبوسه المعادى

[Emy_Angel]

هههههههههههههههههههههههههههههه

هههههههههههههههههههههههههه

اسمع يا سلطانتي قصدي يا سيدي وما ستك الا انا

بقى انا عيله هبله

مش مكفي اني وافقت اتجوز واحد ..........................

هههههههههههههههههههههههههههههههههههه


بس عنجد روعه جو

بس اهون عليك وتطير رقبتي

دي انا

صح حرام تقتل انا

انت حتموتني بجد

ردددددددددددددددددددددددددددددددد

[M E T R E L Y O S]

ميرسى عالرد ايمى زاد

اصبرى الحلقه الجايه و انتى تعرفى هاتموتى و لا لأ

ولا سيدك الا انا

هههههههههههههههههههههههههههههههههههههههههههههههههه

[hasa_amine]

هههههههههههههههههههههههههههههههههههه

حلوة اوى الحلقة يا سعادة السلطان

بجد جميلة


ولا الأغنية بجد تحفة

مشكووووووووووووووووووووووور